За сите кои чекаат бугарско државјанство, тамошните власти имаат важна вест
Објавено во: Балкан 15 Јуни, 2021
Бугарските власти планираат да преземат мерки и да го забрзаат процесот на издавање на државјанства. Шест илјади странци чекаат бугарско државјанство, oбјави БГНЕС.
Министерството за правда на 28 мај објави дека од 31 мај 2021 година, Министерството за правда ќе обезбеди бесплатен прием на граѓани за добивање на сертификати во согласност со уредбата за стекнување бугарско државјанство. Ова е со цел да се надмине доцнењето поради лошата администрација. Во периодот од 31 мај до 8 јуни годинава, издадени се вкупно 1.070 потврди за државјанство од Дирекцијата за бугарско државјанство.
Министерството уверува дека работат на зголемување на бројот на работни часови
што можат да се резервираат по електронски пат. Велат дека со новите
мерки ќе се надмине огромното чекање. Голем број македонски граѓани земаат бугарски пасоши, со цел да работат во Европа. Се споменуваа бројки од 80.000 до 120.000.
На црната листа на САД се и функционери кои земале мито за издавање бугарски пасоши на Македонци.