За Радев заштитата на воздушниот простор е долг кон братска Македонија
Објавено во: Македонија, Балкан 03 Декември, 2019
Заштитата на воздушниот простор на Македонија е национален долг на Бугарија, вели бугарскиот претседател Румен Радев.
Рече дека тоа е долг кон братската Република Северна Македонија и израз на одговорност.
Наведе дека додека разговорите за заштитата на воздушниот простор на земјава биле одлагани од бугарска страна во очекување на „светлата иднина“ кога Бугарија ќе има ескадрила нови авиони, Грција склучи договор за спроведување на таква мисија, пренесува БГНЕС.
„Со денешните потенцијали можеме во целост да ја исполниме таа задача без никакви дополнителни трошоци, бидејќи може да се спроведе од базата Граф Игнатиево“, кажа Радев.
Радев додаде дека изминатиов период беше постигнат договор за средба на министрите за одбрана и началниците на генералштабовите на Северна Македонија, Бугарија и Грција, посветена на вклучувањето на бугарското Воено воздухопловство во заштитата на воздушниот простор на земјава.