ЗА ЕДНА МИНУТА ОДЕКНАА 12 ЕКСПЛОЗИИ: Верешчук вели ова е потсетување дека Крим припаѓа на Украина
Објавено во: Свет 09 Август, 2022
Украина денеска го гранатираше Крим, а Русите биле затечени. Властите на полуостровот Крим кого Русија го анектираше во 2014 година соопштија дека едно лице загинало во експлозии на воен аеродром во близина на селото Новофедоривка, а пет се ранети.
Заменичката на украинскиот премиер, Ирина Верешчук денеска изјави дека експлозиите во Новофедеривка се уште еден потсетник за тоа на кого му припаѓа Крим. Таа на Телеграм напиша дека Крим припаѓа на Украина. Селото Новофедоривка е на околу 200 километри од бојното поле. Очевидците раскажуваат дела се слушнале најмалку 12 експлозии.
Руското Министерство за одбрана објави дека на аеродромот Саки експлодирала авионска муниција, но дека сè уште не е утврдена причината. Русија на 24 февруари ја нападна Украина, иако претходно тврдеше дека војна нема да има.
фото Твитер