Вреќи со огномет имало во пристаништето во Бејрут?
Објавено во: Свет 12 Август, 2020
Нови детали има за експлозијата во Бејрут, во Либан.
Десетици вреќи со огномет имало складирани во истиот хангар, во кој имало повеќе од две илјади тони експлозивен амониум нитрат во пристаништето во Бејрут, каде дојде до експлозија на 4 август, објави лондонскиот Гардијан.
Тој огномет би можел да биде одлучувачки фактор кој довел до експлозија, потврдиле поранешните работници на пристаништето и други извори за весникот.
На истото место имало 30-40 најлонски вреќи со огномет.
Властите во Либан бараат спас, а народот е со намера да ја урне целата политичка елита.
Во експлозијата се повредени и околу 6.000 луѓе, а стотици илјади останаа без своите домови.
Во вторникот во 18.08 часот во градот се слушнаа црковните ѕвона, а џамиите повикаа на молитва за да го одбележат точниот момент кога се случи експлозијата, која беше почуствувана дури и во Кипар.