Вонредна седница на Советот на општина Куманово по несреќата во Романовце
Објавено во: Македонија 24 Февруари, 2020
Советот на општина Куманово денеска ќе одржи вонредна седница, околу вчерашниот трагичен настан во селото Романовце, информираа од општина Куманово. Седницата е закажана за во 13.00 часот.
Како што веќе пишувавме, вчера, на клиникатa во Скопје почина и четвртата жртва, односно 58-годишен пациент, кој беше во критична состојба по експлозијата на плинска боца во семејна куќа во Романовце.
Уште тројца имаат сериозни повреди и се борат за живот на скопските клиники.
Во семејната куќа во Романовце, од пожарот од експлозијата на плинската боца починаа три деца
на возраст од осум, девет и единаесет години, седум лица беа повредени и префрлени на лекување
на скопските клиники.