ВО ВЕЛИКА БРИТАНИЈА ТРЕТА ДОЗА ОД 6 СЕПТЕМВРИ: Се прават списоци на приоритетните групи
Објавено во: Свет 02 Август, 2021
Британската влада
ќе започне да нуди трета доза од вакцината против корона вирусот, а ваквата
активност ќе почне од почетокот на септември. За таа цел се обезбедени 32
милиони дози.
Владата планира да дистрибуира близу 2,5 милиони дози неделно, а во таа акција, околу 2.000 аптеки ќе помогнат да се исполни целта, објави британски „Телеграф“.
Стравувајќи дека ефективноста на вакцините може да почне да опаѓа, министрите планираат да ја исполнат целта со помош на аптеките, кои ќе бидат главни во распределбата на дозите, додека здравствените работници ќе се фокусираат на пациентите што чекаат други видови третман.
На сите жители постари од 50 години, како и лица со ослабен имунитет, ќе им биде понудена трета доза.
Кампањата треба да започне на 6 септември, така што се би можело да заврши до почетокот на декември, доколку се оди според планот, наведува „Телеграф“.
Владата се надева дека кампањата за бустер дозата ќе заврши најмалку две недели пред Божик, односно пред 25. декември.
ФОТО. GOV.UK