Во Тетово се бара јавен превоз
Објавено во: Економија 20 Април, 2018
Фото: Нова Македонија
Невладини организации од Тетово со перформанси и протестен марш побараа од општината да воведе јавен превоз и со тоа да се намали метежот во градот. Учесниците на протестот се собраа на градскиот плоштадот и маршираа до зградата на општината. За да илустрираат потешкотии во движењето во Тетово симболично користеа колички кои се употребуваат во градежништвото, а имаше импровизирано направен автобус од платно.
- Ова е почеток на повеќе вакви настани, преку кои ќе до надлежните ќе се адресираат проблемите во градот. Преку различни инсталации и слично ќе покажеме дека во Тетово фалат паркови, јавен превоз и многу други работи. Во Тетово има два универзитети и многу возила, луѓето тешко се движат. Се надеваме дека ќе допреме до надлежните. Потребен му е на Тетово јавен превоз зошто ќе го намали метежот и ќе се олесни движењето и пешки – рече Гзим Османи, од организацијата.