Во Србија свадби кога ќе се ревакцинираат три милиони
Објавено во: Балкан 10 Мај, 2021
Државниот секретар во Министерството за здравство на Србија, Мирсад Ѓерлек, денес изјави дека заштитните маски ќе мора да се носат најмалку уште три до шест месеци, пред се затоа што некои луѓе не можат да ја примат вакцината поради здравствени причини.
Тој посочи дека ако се постигне целта три милиони повторно да бидат вакцинирани до крајот на јуни, од јули земјата може да се надева на нормализирање на животот, вклучително и одржувањето на свадби.
„Многу е важно да сме дисциплинирани сега и да не одиме со премногу брзо олеснување на мерките, бидејќи некои земји кои имаа многу ревакцинирани и брзо ги опуштија мерките, имаа проблеми понатаму“, рече Ѓерлек.
Тој додаде дека мора да се користат сите методи на вакцинација, вклучително примање на вакцината во автобуси во селата и во зафрлените средини.
Тој оцени дека имунизацијата оди добро и дека вакцинацијата е најдобриот начин да се избегне плаќање на скапи ПСР тестови во текот на летото за да се влезе во некои земји кога се оди на одмор.
Според него, тоа важи и за младите, на кои им препорачува да се вакцинираат за да можат да одат на море.