Во Србија почнаа со производство на руската вакцина Спутник
Објавено во: Балкан, Корона Вирус 14 Април, 2021
Соседна Србија почна да ја произведува вакцината Спутник V.
Во институтот „Торлак“ почна производството на оваа вакцина, која ќе може да се извезува во соседството.
„РФПИ и Институтот за вирусологија, вакцини и серуми 'Торлак' објавуваат дека почна производството на руската вакцина против коронавирусот Спутник V во Србија. Со ова, Србија стана првата држава во Јужна Европа која ќе ја произведува Спутник V. Производтсвото во Србија е во склад со најстроги стандардни“, објави Рускиот фонд за директни инвестиции. Институтот „Торлак“ се наоѓа во главниот град Белград и е основан во 1927 година кога почнал со производство на Бесеже вакцината против туберкулоза.
Италија претходно постигна договор и од јули ќе почне со производство на вакцината. Во преговори за производство е и Германија, поточна покраината Баварија.
Србија треба да изгради и фабрика за производство на кинески вакцини. Во земјата бројот на нови заболени полека се намалува, и од 5.000 нови, сега паднаа под 4.000 случаи дневно.