29 Ноември, 2020
0.0238

Маските задолжителни и на отворено: На чекор сме до полициски час

Објавено во: Македонија 20 Октомври, 2020

На денешната седница на Владата, Министерот за здравство Венко Филипче ќе ги предложи новите рестриктивни мерки, кои ги препорача Комисијата за заразни болести поради лошата епидемиолошка слика во земјата. Тој вчера, заедно со членови од Комисијата го информираа Кризниот штаб во Владата во однос на капацитетите на болниците, како и за значителниот раст на бројот на новозаразени граѓани со корона вирусот.

Истовремено истакна дека главните жаришта се Скопје, Штип и Струмица, а најголемиот процент од новодијагностицираните се на возраст од 30 до 50 години.

-На Владата ќе предложиме уште еден пакет мерки. Сите економски оператори да работат до 23 часот, како и ограничување на капацитетот во јавниот превоз до 50 проценти и препорака до целата државна и јавна администрација, препорака до општините и судовите, согласно механизмот на работа, работниот процес да се одвива во смени или онлајн од дома, или пак редуцирано со систем на ротации и секоја од институциите согласно карактеристиките на работниот процес. Сето ова со пакетот на мерки кој утре ќе се дискутира во Собранието. Законот е веќе даден по скратена постапка. Законот за заштита на населението од заразни болести, а во тој закон се веќе вметнати предлозите за задолжително носење маски на отворено, ограничување на групирањето по 22 часот надвор и ограничувањето на семејните собири. Сметаме дека тоа е еден пакет мерки којшто значајно може да го намали бројот на новодијагностицирани случаи“, рече министерот Филипче.

Министерот потенцираше дека капацитетите во болниците продолжуваат да се исполнуваат до крај, напоменувајќи дека се уште нема сместено пациенти, иако е целосно подготвена модуларната болница до Инфективната клиника.

-Кадарот е тука, подготвен, има интернисти коишто доаѓаат по системот на ротација, како и медицински сестри. Исто така, подготвени се и во ГОБ „8 Септември“ со целокупниот персонал којшто работи на оваа проблематика, интернисти и анестезиолози коишто работат заедно со инфектолозите. Но, веќе се исполнија инфективните одделенијата во болниците во Струмица, во Куманово и во Штип, а почнуваат да се ангажираат капацитетите во болницата во Кочани. Нема места во болницата во Прилеп, и уште едно крило е отворено во болницата во Битола за целиот тој регион. Забрзано се пополнува и капацитетот на болницата во Гостивар.“, рече Филипче.

Според него и воопшто здравствените власти, ситуацијата е крајно сериозна, и следен чекор би бил целосно ограничување на движењето, односно полициски час.

-Да собереме сили сите, да ги почитуваме мерките за да го избегнеме сето ова, заради тоа што ова е начинот на којшто ќе треба да се функционира, во периодот што е пред нас доаѓаат уште поладни есенски и зимски месеци“, апелираше Филипче.

А.Б.

Можеби ќе ве интересира

Кирацовски: Поради можници и лажни вести повеќе не сум генерален секретар на СДСМ

Кирацовски: Поради можници и лажни вести повеќе не сум генерален секретар на СДСМ

Нано Ружин: „Патоказот“ би бил само про-форма документ

Нано Ружин: „Патоказот“ би бил само про-форма документ

(ФОТО) Бистата на Мирче Ацев во Алејата на Народните херои во Прилеп „санирана со селотејп“

(ФОТО) Бистата на Мирче Ацев во Алејата на Народните херои во Прилеп „санирана со селотејп“

Полицијата го утврди идентитетот на 17-мина навивачи од вчерашната масовна тепачка во Штип

Полицијата го утврди идентитетот на 17-мина навивачи од вчерашната масовна тепачка во Штип

Хоспитализрани се 44 нови пациенти поради компликации од корона вирусот

Хоспитализрани се 44 нови пациенти поради компликации од корона вирусот

Сашко Николов: Бесплатни заштитни маски ако победам во Штип

Сашко Николов: Бесплатни заштитни маски ако победам во Штип

Стојанче Ангелов до Апасиев: Професоре, дај оладете малку, Мицкоски нема да ви дозволи да предводите фронт

Стојанче Ангелов до Апасиев: Професоре, дај оладете малку, Мицкоски нема да ви дозволи да предводите фронт

Министерство за здравство: Бидете одговорни за време на славите

Министерство за здравство: Бидете одговорни за време на славите

Рикер со писмо за утеха до Заев: Остануваме оптимисти дека меѓувладината конференција ќе се одржи наскоро

Рикер со писмо за утеха до Заев: Остануваме оптимисти дека меѓувладината конференција ќе се одржи наскоро