Во Скопје се пронајдени две тела во распаѓање
Објавено во: Македонија 23 Мај, 2020
Во Скопје се пронајдени две човечки тела во фаза на распаѓање.
На улицата „Анастас Митрев“ од стан во кој живеел 42-годишник, неколку дена се шириела непријатна миризба. При полициска интервенција во станот, телото на 42-годишникот е пронајдено во фаза на распаѓање.
Вториот случај е пријавен скоро еден час подоцна, во 15.51, во полициската станица Бит Пазар.
Скопјанец пријавил дека во разрушена куќа на улицата „Филип Втори“, инаку сопственост на 63-годишник, пронашол мртво тело во фаза на распаѓање.
Увид на местото на настанот во двата случаи извршиле екипи од СВР Скопје. По наредба на јавен обвинител пронајдените тела се предадени на обдукција.