Во последниот квартал лани се родиле 4.935 деца

Добивај вести на Viber

Во последните три месеци од 2020 година имало помалку разводи и бракови, а пораснал бројот на родени, но и на починати. 

Државниот завод за статистика oбјави дека бројот на живородените деца во четвртото тримесечје од 2020 година, во споредба со истиот период од претходната година, е зголемен за 4.8  отсто и изнесува 4.935 живородени деца.

Како последица на пандемијатa со КОВИД-19 и задоцнувањето на извештаите од одделни матични подрачја од претходните квартали, бројот на умрените лица во четвртото тримесечје од 2020 година има зголемување од 89.1. отсто во споредба со истото тримесечје од 2019 година и изнесува 9.465 лицa, а од нив 12 се умрени доенчиња. Природниот прираст изнесува - 4.530, што значи дека за толку лица бројот на живородените деца е помал од бројот на умрените лица. Бројот на склучените бракови во ова тримесечје од годината е намален за 19.7 отсто во споредба со истиот период од 2019 година и изнесува 2.689 бракови. Бројот на разведените бракови во ова тримесечје е 540, што претставува намалување од 19.3 отсто во споредба со истиот период од 2019 година. „Белата чума“ долги години ја „коси“ Македонија.