СЕ ПРАЗНУВА ВОДИЦИ: Спасовски оди во Кочани, Ангеловска и Шекеринска во Скопје
Објавено во: Македонија 19 Јануари, 2020
Денеска е Богојавление (Водици).
Овој празник е еден од најголемите христијански празници. Познато е дека се празнувал уште во вториот век од христијанската ера. Конкретно е поврзан со крштевањето на Исус Христос од свети Јован, кој оттогаш се нарекува Крстител. Грците овој празник го нарекуваат Богојавленија, множината укажува дека во себе ги собира сите богојавленија од почетокот на светот и векот; а за време на крштевањето на Исус Христос Бог јасно и конечно се пројави како Света Троица, Отец, Син и Дух Свети. Овој празник се нарекува уште и Водици, заради големиот водосвет, што го извршува Црквата на овој ден. Големиот водосвет е симбол на обновувањето на нашата огревовена природа и на целиот космос преку вода и Дух.
Техничкиот премиер, Оливер Спасовски, по повод големиот христијански празник Богојавление Водици ќе присуствува на чинот на свеченото фрлање на крстот во Кочанска река. Спасовски во Кочани ќе биде придружуван од министерот за земјоделство, шумарство и водостопанство, Трајан Димковски и пратеникот Сашко Костов. По повод верскиот празник Богојавление Водици, министерка за одбрана, Радмила Шекеринска, министерката за финансии, Нина Агеловска и заменикот министер за култура, Владимир Лазовски ќе присуствува на светиот чин на фрлањето на крстот во реката Вардар, Скопје, на Камениот мост, местото викано „Слобода“.