Во Македонија најмногу се намалил јазот помеѓу богатите и сиромашните
Објавено во: Економија 10 Јуни, 2019
Македонија е земјата во регионот во која најмалку се намалил јазот во доходите помеѓу 20 отсто најбогати и 20 отсто најсиромашни во периодот од 2012 до 2017, според истражувањето на Евростат, пренесува белградски „Данас“.
Македонија била негативен рекордер на Балканот со тоа што најситуираните биле 10,2 пати побогати од најсиромашните во 2012, а пет години подоцна јазот е најмал во регионот - 6,4 на страната на богатите во однос на најранливите.
Најголема разлика и нејзино зголемување има Србија - од 8,9 на 9,4 коефициент. Зголемување на јазот има само уште во Бугарија, но не толку значителен. Намалување има во останатите земји во регионот, но не толкаво како во Македонија. Во Турција е 8,6, Црна Гора има коефициент 7,4, додека во Хрватска, Романија, Унгарија и Словенија тоа е незначително.
Инаку европскиот просек на коефициент е 5,1 во односот најбогати-најсиромашни и во петгодишниот период останал речиси непроменет.