ВО КРИЗА ПОРАДИ ПАНДЕМИЈАТА: Руската економија е на колена
Објавено во: Економија, Корона Вирус 03 Јули, 2020
Руската економија e фрлена на колена, затоа што доживеа загуба од 14 милијарди долари.
Очекуваат буџетскиот дефицит на крајот на годината да биде скоро пет проценти од бруто домашниот производ (БДП).
Заменик-министерот за финансии, Владимир Количев изјави дека рускиот федерален буџет има загуба од повеќе од 1.000 милијарди рубли (скоро 14,2 милијарди долари) како резултат на пандемијата на коронавирус, објави порталот „Банкар“.
Количев рече дека руската економија се соочува со тежок период поради пандемијата, пренесе „Анадолија“.
„Според преземените мерки заради КОВИД 19, загубата на приходите од извозот на нафта и природен гас во рускиот федерален буџет надмина 1.000 милијарди рубли (скоро 14,2 милијарди долари)“, рече Количев.
Кажа дека буџетскиот дефицит главно се планира да се затвори преку задолжување.
Тој изјави дека тие не сакаат за потрошувачките цели да ги користат државните резерви.
Ваков проблем имаат многу земји во светот.
Во Европа неколку држави влегоа во рецесија, а се зголеми и невработеноста.