Во избирачки список нашле гласачка стара 165 години
Објавено во: Балкан 21 Јануари, 2019
Рекордер по возраста е извесна Ајше Екичи, која има 165 години, а сега за прв пат се пријавува на избори во Турција.
Турската опозиција и меѓународните организации предупредуваат дека во Турција се подготвува голема изборна измама на изборите закажани во март.
Според меѓународните организации, има случај на една адреса во стан да се пријавени над 1 000 избирачи. Републиканската народна партија обвинува дека на изборите ќе гласаат дури 6 000 луѓе постари од 100 години.
Еден од гласачите има 149, а друг 148 години, тврди опозицијата. Велат дека власта се плаши од изборен пораз во градовите како Анкара и други поголеми места, каде на последните избори победиле со мала разлика.
Во некои места дури и се случил ,,демографски бум”. Таков е случајот во Цанкири, каде бројот на гласачи за шест месеци се зголемил за 95 проценти.
Во владејачката АКП на претседателот, Реџеп Таип Ердоган тврдат дека зад манипулациите стои опозицијата која намерно ги обвинува за предизборни прекршоци за да им наштети.
фото turkishelections.com