Во Европа ова чини 7 евра по килограм, а кај нив е џабе
Објавено во: Агробизнис 27 Септември, 2018
Зоран Стојановиќ од Бериље кај српскиот град Прокупље, на семејниот имот одгледува овошје несвојствено за овие простори, а тоа се бананите, пишува Б92.
Тој е задоволен затоа што оваа година имаше богат род.
„Од две стебла набравме 20 килограми. Тие почнуваат да зрејат од 1 септември до 10 октомври“ - вели Стојановиќ.
Она што тој го има е посебен вид на банани, или добричка банана која потекнува од Канада, а тој ја донел од Италија.
„Она што го има во Европа, сакам да го донесам и кај нас. Во лето бара полевање еднаш неделно, и никакво прскање, никаква друга нега, едноставно е отпорна“ - вели тој.
Во Европа килограм чини 7 евра, а кај Зоран е бесплатно за сите кои сакаат да ги вкусат овие банани.
„Ги пробаа соседите, има вкус на ананас“ - рече Стојановиќ.
Со продавање на садници, овој човек си го дополнува домашниот буџет.
Можеби ќе ве интересира
ДОЖДОТ Е ПОВЕЌЕ ОД ДОБРЕДОЈДЕН: Сепак температурните шокови можат да направат проблеми на земјоделските насади
СТОЧАРИТЕ НУДАТ ПЛАТА ОД 1.000 ЕВРА: Албанија е последната станица за наоѓање овчари
