Во една држава гром уби најмалку 14 луѓе

Добивај вести на Viber

Четиринаесет луѓе загинаа од удари на громови во Банлгадеш.

Oва вчера се случило во шест окрузи на Бангладеш, објави весникот Dhaka Tribune повикувајќи се на полицијата и локалните власти.

Четири лица, меѓу кои татко и двајца негови возрасни синови, загинале во областа Пабна, во западниот дел на Бангладеш, кога гром ги погодил додека работел во полето во близина на локалното училиште.

Во округот Мајменсинг, во северниот дел од земјата, млад рибар починал кога го погодила молња, а неговиот постар брат е тешко повреден, но итно му била укажана лекарска помош. Во истата област загинале уште едно момче и маж.

Тројца мажи загинале при удар на гром додека товареле банани на камион, во округот Чуаданга, на западот на Бангладеш. Локалната полиција потврдила за весникот дека во централниот округ Сунамганџ загинале татко и неговиот 12-годишен син додека ловеле риба. Тие биле пренесени во болница, но лекарите не успеале да ги спасат.

Во областа Нетракона, молња убила фармер додека ги напасувал своите крави, во близина на еден од најголемите бангладешки градови Раџшахи, додека друг селанец во истата област загинал во поле.

Локалната новинска агенција UNB ги пренесува статистичките податоци на невладина организација и според нив, од мај до јуни годинава, најмалку 126 лица загинале од удари на громови. Меѓу жртвите 21 е жена, седум се деца и 98 се мажи. Повеќето од нив загинале додека работеле на поле или ја напасувале стоката. Покрај тоа, во истиот период од громови се повредени уште 53 други лица.