ВО ДАВОС ЗАМИНУВААТ ГРЕТА И ТРАМП: Ќе има ли македонски претставници на форумот?
Објавено во: Македонија 18 Јануари, 2020
Повеќе од 100 милијардери ќе пристигнат во Швајцарија следната недела на годишниот состанок на Светскиот економски форум во Давос.
Тие ќе им се придружат на банкарите и политичарите. Од владината прес служба велат дека во Давос ќе замине министерот за надворешни работи, Никола Димитров, кој ќе учествува на панел за Западен Балкан, а ќе има најверојатно и билатерални средби.
Светскиот економски форум годинива одбележува 50-годишен јубилеј. Ќе се зборува за светската економска и политичка елита, за кампањата за „спас на планетата“ и светските кризи.
Ќе присуствуваат активистката Грета Тунберг, но и американскиот претседател Доналд Трамп. Тој во Давос се враќа по 2018 година, а своето обраќање треба да го одржи токму на денот кога американските сенатори ќе ја отворат постапката за негово отповикување од должноста.
Во Давос, претходните години учествуваше екс премиерот, Зоран Заев. Таму тој имаше средби со екс грчкиот премиер, Алексис Ципрас, со кого разговараа за името, но и со Јенс Столтенберг од НАТО и поранешениот еврокомесар Јоханес Хан. Лани во Давос, Заев имаше средба и со филантропот и финансиер Џорџ Сорос, основач на Фондациите Отворено општество (ФОО) и со Патрик Гаспар, претседател на ФОО.
Екс премиерот Никола Груевски во 2009 година учествуваше на „Летен Давос“ во Кина. Тој ја преводеше делегацијата на овој светски деловен настан.