ВМРО-ДПМНЕ сака да предложи обвинител кој ќе ја замени Вилма Русковска

Добивај вести на Viber

ВМРО-ДПМНЕ бара со свој обвинител да ја смени Вилма Русковска.

„Треба да се задржи да остане обвинителството за гонење на криминал и висока корупција како единствено, неподелено обвинителство, да нема нови хибридни решенија, а самото преземање од страна на ова обвинителство на надлежностите на досегашното специјално јавно обвинителство доколку се донесе закон за истото, да вклучат и избор на новиот обвинител за организиран криминал при што опозицијата, Собранието и Комисијата за избори и именување ќе имаат битна улога“, изјави Антонио Милошоски од ВМРО ДПМНЕ.

Според предлогот на ВМРО ДПМНЕ, опозицијата има право двапати да избере една личност од кандидатите што се пријавиле и ако нема согласност од власта, опозицијата и власта заеднички да договорат еден кандидат. Доколку не се договорат, тогаш  опозицијата да го задржи правото да предложи тројца кандидати до Советот за јавни обвинители. Кандидатот освен обвинител, би можело да биде и професор.

„Вилма Русковска има мандат од четири години, досега е  обвинител десет месеци. Вилма Русковска води многу предмети, лично таа и нејзиното обвинителство“, рече Заев.

Неделава се очекува да има нова средба на работните групи меѓу власта и опозицијата за новиот Закон за Јавно обвинителство.

Читајте уште

Катица Јанева е без работа, Лиле Стефанова од „Империја“ се враќа во Радовиш