ВМРО ДПМНЕ НОСИ ОДЛУКА: Кој кандидат ќе го изберат за претседателската трка?
Објавено во: Македонија 16 Февруари, 2019
Во Струга опозицијата избира меѓу девет кандидати за претседател на претстојните избори.
Пред скоро еден час почна гласањето а делегатите ќе треба да се одлучат меѓу двајцата големи фаворити Влатко Ѓорчев и професорката Силјановска, додека останатите седуумина кои се најдоа на листата се Илија Димовски, Никита Шекутовски, Филип Петровски, Горан Ангелов, Сашо Култешовски, Васко Костов и Ѓорѓи Манасков.
Опозицијата ќе мора да одлучи кој за нив би бил идеален како кандидат за претседател, кој може да освои поголем број на гласови, како во самата десница, така и меѓу неопределените гласачи, меѓу гласачите кои даваат доверба според заслуги, како и од гласовите на етничките заедници во Македонија, особено кој ќе биде поспособен и поприфатлив за електоратот на Албанците.
За победа на претседателски избори, особено ако има втор круг покрај исполнување на високиот цензус, потребна е и поддршка од албанското гласачко тело кое се покажа како решавачко во последните избори за претседател. Ќе успее ли ВМРО-ДПМНЕ, со овие понудени кандидати да освои гласови на етничките Албанци и да најде соодветен коалициски партнер кој би бил пресуден напролет ќе дознаеме вечерва откако ќе заврши Конвенцијата.