ВМРО-ДПМНЕ ќе го поддржи автентичното толкување што го бара СДСМ

Добивај вести на Viber

ВМРО -ДПМНЕ ќе ја поддржи иницијативата на СДСМ за автентично толкување на членот 11 од Законот за помилување во обид да се спречи Уставниот суд повторно да ја активира фамозната аболиција на поранешниот претседател Ѓорѓе Иванов.

Ова денеска на прес-конференција го потврди лидерот на опозицијата, Христијан Мицкоски, кој порача дека тоа е безусловно но и упати две барања – да се направат законски измени со кои амнестирано лице не ќе може да се занимава со политика  и да се забрани да се аболицираат политичари во иднина.

„Дали ќе поддржиме, да ќе поддржиме се кое што како иницијатива во Парламентот ќе биде поднесена во насока на тоа, еднаш за секогаш да се стави крај на злоупотребата на механизмот аболиција но истовремено ја користам оваа прилика да ја поддржат иницијативата на ВМРО – ДПМНЕ сите пратеници во Парламентот да се стави крај на политичката кариера на сите политичари кои во минатото биле аболирани“ повика Мицкоски.

Уште еднаш рече дека се сомнева дека предизборно директно се вмешале од Илинденска бр. 2 од СДСМ во последните случувања во Уставниот суд и дека зад тоа стои премиерот Зоран Заев.

Веќе утре Собранието ќе почне со разгледување на барањето на СДСМ за автентично толкување на членот 11. На координацијата  пратеничките групи и спикерот Талат Џафери ќе ги договараат деталите, кога Парламентот ќе побара мислење од Владата и кога ова барање ќе се најде на седница на закондоовната права комисија.