ВМРО-ДПМНЕ го кандидира Дарко Костовски, тренерот на олимпискиот вицешампион од Токио, за градоначалник на Бутел
Објавено во: Македонија 20 Август, 2021
ВМРО-ДПМНЕ денеска потврди дека пратеникот Дарко Костовски ќе биде кандидат за градоначалник на Бутел.
Инаку Костовски е тренер на Дејан Георгиевски, таеквондистот кој во најтешката категорија го освои сребрениот медал на Олимписките игри во Токио. Тоа е најголемото олимписко достигнување на Македонија од нејзиното осамостојување.
Меѓу останатите кандидати кои ги објави денеска најголемата опозициска партија се најде и името на Тони Михајловски, како кандидат за Куманово.