28 Март, 2024
0.0259

Владата сака да гради пруга до Струга, а МЖ Инфраструктура не може да врати 10 милиони евра

Објавено во: Економија 24 Септември, 2020

Добивај вести на Viber

Јавното претпријатие Македонски Железници - Инфраструктура има 9,7 милиони евра доспеан а неплатен долг по девизни кредити, а Владата веќе донесе одлука да бара кредитор за 426 милиони евра за изградба на пругата од Кичево до Струга 

Претпријатието за одржување на железничката инфраструктура, според годишниот извештајот кој го објавил пред две недели, прикажува приходи од 874 милиони денари, за 26 помалку од 2018, а истите се главно од изнајмување на пругата и од државниот буџет, од каде биле обезбедени 553 милиони денари. Загубата е 340 милиони денари во 2019, односно слична сума како и една година претходно, а дури 510 милиони денари од расходите се прикажани како амортизација. За околу 900-тини вработени се делат 438,4 милиони денари за бруто плати

МЖ Инфраструктура за 32,58 милиони евра има обврски кон девизни кредити, од кои 9,7 милиони се доспеани. Задолженоста на претпријатието се зголемила за 34,86 отсто само за една година поради девизните кредити.

Од Коридорот 8, пругата од Куманово до границата со Бугарија е во изградба а е долга 89 километри. Функционален е само централниот дел Куманово - Скопје - Кичево од 154 километри. Оној што сака да го гради Владата, западниот дел, треба да изнесува 70 километри од Кичево до Албанија, но тој е во фаза на изработка на техничка документација. 

На пругата од Куманово до Бугарија минатата година биле потрошени 10 милиони евра, но само на делницата до Бељаковце, додека до Крива Паланка практично се скенира само теренот. Средствата главно се oбезбедени преку кредит од ЕБОР.

Владата во вторникот одлучи за изградба на железничката пруга од Кичево до граница со Албанија да бара 426 милиони евра од меѓународни финансиски институции и билатерални кредитори како грант средства за техничка помош, но засега само за проектот до Струга. На истата седница, познавајќи ја ситуацијата во која се наоѓа МЖ Инфраструктура, Владата  преку грантови реши да му обезбеди техничка помош преку Инвестицискиот фонд за Западен Балкан (WBIF).

По првата половина од годинава, ЈП Македонски железници инфраструктура Скопје, со долг од 12,4 милиони евра се искачи на второто место на листата на најголеми должници кон државата, зад МЖ Транспорт. Неговиот долг е пораснат за околу два милиони евра, а претходно биле на четврто место.

А.К.


Можеби ќе ве интересира

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат