Владата ја зголеми акцизата, поскапе екстралесното гориво
Објавено во: Економија 24 Јуни, 2020
Владата ја зголеми акцизата, а Регулаторната комисија за енергетика денеска ја објави и новата повисока цена на Екстра лесното масло за домаќинство (Ел-1). Од денеска чини 51,5 денари за литар, соопшти комисијата. Оттаму додаваат дека тие и претходно сметале дека ова треба да се направи. Екстралесното масло за домаќинство или попознато како црвена нафта се користеше долго време како погонсоко гориво поради тоа што беше поевтино, со што се правеа малверзации, но и се загадуваше околината.
„Нашите анализи покажуваат дека ова гориво се користи во драстично поголеми количини од реалната потреба што пак е показател дека поради пониската цена, горивото иако е со намена да се користи за греење, се злоупотребува и се користи за транспорт, со што се создава нелојална конкуренција а и помалку пари се слеваат во буџетот “, вели Марко Бислимоски, претседател на РКЕ.
Според структурата во потрошувачката на нафтените деривати на домашниот пазар во 2019 година
дизел горивата учествуваат со 68,5 проценти, безоловните бензини се со учество од 11,02 отсто, мазутот е со
7,7 проценти и течниот нафтен гас со 7,8 отсто. Потоа следуваат екстра лесното масло (ЕЛ-1) со 4,73 проценти.
Одлуката за изедначување на акцизите ја поздравија и нафтените компании.