Владата донесе одлука за одземање на државјанството на Онишченко
Објавено во: Македонија 06 Декември, 2022
Владата извести дека на денешната седница одлучи да се поништи одлуката да му се додели македонски пасош на контроверзниот Украинец, Олександр Онишченко, кој се наоѓа на црната листа на САД.
Одлуката е донесена на основа на можноста што ја дава Законот за државјанство на кој се повикува Владата.
„Владата ја донесе одлуката откако го разгледа известувањето од Министерството за внатрешни работи, во кое што се информира за можноста за одземање на веќе дадено државјанство, што беше побарано од страна на Владата, на претходна владина седница“, се вели во соопштението.Министерството за внатрешни работи е задолжено да постапи веднаш по донесената одлука за поништување на одлуката за прием на Онишченко во државјанство на Република Северна Македонија.