(ВИДЕО) Вулкан се буди по 250 години - во цели градови е забрането движење
Објавено во: Свет 20 Април, 2018
Во Јапонија се активира вулкан кој не беше активен цели 250 години, а властите поради тоа забранија пристап до зоната околу планината.
Метеоролошката агенција во земјата соопшти дека ова е прва ерупција на вулканот уште од 1768 година, а дека од кратерот излегуваат чад и пепел.
Вулканот е дел од планинскиот ланец Киришима на јужниот јапонски остров Кјушу.
Експлозиите денеска накратко престанале, но граѓаните на околните градови сепак беа предупредени на можното паѓање на вулкански камења и пепел.
Во март годинава уште еден вулкан кој се наоѓа во близина на овој се активираше по пауза од седум години.
Јапонија се наоѓа во пацифичкиот огнен круг и има над 110 активни вулкани.