(ВИДЕО) Венеција може да здивне, но не и другите региони во Италија
Објавено во: Свет 18 Ноември, 2019
Граѓаните на Венеција конечно можат да здивнат по големите поплави, но не и Италија.
Во градот ќе се почувствува олеснување по двата дена поплави. Нивото на водата ќе се спушти и се очекува училиштата повторно да проработат. Ова го соопштија градските власти.
Но, италијанската цивилна заштита предупреди на понатамошни поплави во следните денови, особено во Тоскана и во регонот околу Болоња.
Околу 70 отсто од Венеција беше под вода вчера, кога нивото на водата се качи 150 сантиметри над нивото на морето.
Со четири плими над 140 сантиметри од понеделникот, изминатата недела беше најлоша од почетокот на мерењето на плимата во Венеција од 1872 година. Локалните власти бараат што поскоро да бидат изградени брани за заштита од поплавите.
Градоначалникот Луиџи Бруњаро изјави дека штетите од поплавите во градот изнесуваат околу една милијарда евра. За туристите, и поплавена, Венеција беше атракција.
Плоштадот на свети Марко, најниската точка во градот, беше поплавен и затворен за туристите. За една недела имаше три поплави. Се верува дека поради климатските промени, многу земји во иднина ќе се соочат со поплави.