(ВИДЕО) Телевизија во Украина е гранатирана откако најави интервју со Путин
Објавено во: Свет 13 Јули, 2019
Украинска телевизија e гранатирана по најавеното интервју со рускиот претседател, Владимир Путин.
Седиштето на една украинска телевизиска станица во Киев е нападнато со рачен ракетен фрлач.
Нападот се случил синоќа, никој не е повреден, но е оштетена фасадата на зградата на телевизијата „112 Украина“, соопшти полицијата.
Ракетниот фрлач е оставен кај зградата.
Украинската безбедносна служба (СБУ) започна истрага, а полицијата во Киев го бара напаѓачот.
Во четвртокот, главниот украински обвинител Јуриј Луценко изјави дека сите лица одговорни за емитувањето на овој „филм на руска пропаганда“ ќе бидат повикани на сослушување.
Телевизијата вчера изјави дека добила директна закана за напад од ултранационалистичките организации.
По нападот телевизијата соопшти дека го откажува емитувањето на документарниот филм, најавен за вторник, надевајќи се дека ќе избегне судење и казна од властите.