(ВИДЕО) Русите создадоа три најнови видови на вооружување
Објавено во: Свет 19 Април, 2018
Рускиот концерн „Аутоматика“ создаде три најнови видови на вооружување за радио-електронска борба против дронови кои што се во состојба да ги откриваат, следат и соборуваат.
Според Русите, новата технологија прави дроновите да бидат едноставно неупотребливи.
Главниот инжинер на проектот, Сергеј Ширјајев, вели дека оружјето функционира така што директно влијае на радио-врската со дроновите и го блокира далечинското управување, ја попречува навигацијата и ги ресетира вчитаните податоци и наредби.
Доколку станува збор за дрон со четири елиси, системот му дава наредба да остане во една позиција во воздух што значи дека ветерот одредено време ќе го носи дронот пред да остане без батерии или гориво и едноставно да падне.
Новиот систем „Сапсан“ е во состојба да го открие дронот на оддалеченост од преку 100 километри, да го собори или пак да им ги открие сите податоци поврзани со дронот на оперативците кои што раководат со против-воздушните системи.Вториот систем „Таран“ е многу ефикасен во случај на масовен напад со дронови.
Третиот систем „Пишчаљ“ е практичен за борба во движење со оглед на тоа што направата е тешка само три килограмич Ширјајев отрива дека моментално во тек се тестирања, а се предвидува дека сериското производство ќе започне најдоцна кон крајот на оваа година.