(ВИДЕО) Поплави во Србија, Косово и Албанија - цели села се под вода
Објавено во: Балкан 11 Јануари, 2021
Поплави има во Србија, Косово и Албанија, а цели села се под вода.
Би-Би-Си на српски јазик јавува дека делови од Лесковац, места околу Ниш и Прокупље, неколку населби во Пирот и неколку села на подножјето на Стара планина изутрината се разбудиле во вода.
Во Албанија најкритично е во Лач, Скадар, Лежа и во Драч. Неколку илјади хектари земја се под вода, блокирани се патишта од свлечишта, десетици живеалишта, урнати се мостови во рурални области, а изолирани се многу села до кои може да се стигне само со воени камиони или пловни објекти. Досега се поплавени 7.450 хектари земја, а некои патишта се привремено блокирани поради лизгање на земјиштето.
На Косово поплавите уништија неколку мостови, а во повеќе општини населението е евакуирано поради опасност од поплава. Водата го однела и мостот во селото Доброшец во општина Дреновица, пренесува приштинска „Коха“. Во Гњилане евакуирани се 15 жители, од селата Гњилане, Малишева, Угjаре, Бресаjце – Јабукче и Силово, а надлежните служби добиле 87 повици за помош.