(ВИДЕО) ОРО, АРМОНИКА И ЛЕПЕЊЕ ПАРИ - не било каде, туку во хрватски ковид центар, забавата ја откри налутена сестра

Добивај вести на Viber

Скандалозна снимка од забава којашто се случила во просториите на ковид болницата Дубрава објави хрватската телевизија РТЛ. Таа снимка била направена на почетокот на месецов, а до редакцијата на РТЛ била дадена од вработена во болницата.

Оваа ситуација ги налутила дел од нивните колеги, а една од нив решила да испрати и отворено писмо до редакцијата на телевизија РТЛ.

„Во вакви ситуации ми е срам што сум медицинска сестра. Во 20 години работен стаж вакво нешто не сум доживеала. Непочитување на епидемиолошките мерки, алкохол, тамбури, песни и танц. И сето тоа во просториите на болницата, во режија на вработените. Не знам кој дозволи музичка група во болницата и дали воопшто знаел за тоа, но очекувам санкции за „актерите“ во ова случување. Мислам дека со ова се создаде грда слика за вработените коишто си ја работат работата како што треба. Целата болница зборува за таа спорна забава, а време е одговорните да се одговараат за ова и да се спречат ваквите настани во идина. Се бориме против вирус, а самите го шириме. Лута сум, а и разочарана“, пишува медицинската сестра во писмото.

Директорот на ковид болницата Дубрава, Ивица Лукшиќ изјави дека не е запознаен со случајот.

„Изненаден сум, но мора да знаете дека луѓето во болницата работат напорно и дека прво мора да ги разгледам сите околности коишто довеле до ова,“ рече Лукшиќ.

Засега не е познато колку од вработените, коишто биле присутни на забавата, биле на смена со задолжение да се грижат за болните, а колку од нив останале на забавата откако им завршила работната смена. Не е познат ни поводот за забавата.