(ВИДЕО) НАСИЛНИ ДЕМОНСТРАЦИИ ВО БАРСЕЛОНА: Ги разгневија пресудите за Каталонците кои го организираа референдумот
Објавено во: Свет 18 Октомври, 2019
Над половина милион демонстранти излегоа на протести во Барселона, при што студентите се судрија со полицијата.
Поборниците на независноста на Каталонија се против пресудите на нивните политичари и бараат отцепување од Шпанија.
Во другите делови од Барселона илјадници студенти и средношколци, кои од средата стапија во тридневен штрајк, се обидуват да дојдат до зградата на Шпанската национална полиција, која ја чуваат припадници на интервентната полиција. Таму дошло и до судир во кој се повредени три лица, од кои двајца се малолетници, а еден полицаец, кој исто така, е повреден.
Студентите со маскирани лица се приближуваат до зградата фрлајќи камења и шишиња, па потоа во бранови се повлекуваат по интервенцијата на полицијата. Тие извикуваат „Антифашистичка Барселона“ и „Улиците секогаш ќе бидат наши“.
Во петокот во Каталонија, автономна покраина со 7,5 милиони жители, започна генералниот штрајк на повик на синдикатите кои ја поддржуваат независноста. Веќе петти ден има масовни протести откако Врховниот суд во Мадрид во понеделник осуди деветмина каталонски службеници на 9 до 13 години затвор за организирање референдум за независност во 2017 година.
Избеганиот поранешен каталонски лидер Карлес Пуџдемон се предаде на белгиските власти, откако Шпанија издаде нов налог за негово апсење, по изрекувањето на пресудите за неговите колеги кои како него работеа во насока за независност на Каталонија.