(ВИДЕО) НАСИЛНИ ДЕМОНСТРАЦИИ И ВОНРЕДНА СОСТОЈБА: Чилеанците се бунтуваат против поскапиот јавен превоз
Објавено во: Свет 19 Октомври, 2019
Вонредна состојба има во главниот град на Чиле, Сантијаго.
Прво се протестираше против зголемувањето на цените на железницата. Потоа гореа подземните железнички станици во Сантјаго.
Првите протести беа пред околу една недела, поради зголемувањето на цените на превозот од 800 на 830 пезоси, или околу четири евро-центи. Прво стотици ученици и студенти скокаа преку оградите на влезовите во метрото и се возеа на црно, а потоа избија поголеми протести.
По немирите чилеанскиот претседател Себастијан Пињера прогласи вонредна состојба во главниот град. Тој својата одлука ја образложи со „сериозни напади кои се повторуваат“ врз подземната железница во чилеанската метропола. Претседателот на Чиле најави дека во наредните денови Владата ќе повика на дијалог со цел ублажување на последиците од поскапувањето на јавниот превоз за најсиромашните.
Во повеќе станици на метрото беа подметнати пожари. Полицијата употреби солзавец против насилните демонстранти.
Сообраќајните претпријатија го запреа целиот железнички сообраќај на околу 140 километри долгата сообраќајна мрежа. Сообраќајот нема да се одвива во текот на викендот.
фото ЕПА