(ВИДЕО) НА МАКРОН МУ ГОРИ ПОД НОЗЕТЕ: Французите излегоа на најмасовните демонстрации
Објавено во: Свет 05 Декември, 2019
Франција е парализирана од најмасовниот штрајк во изминативе децении.
Вакви масовни протести немало во последните 25 години.
Ширум земјата започна генералниот штрајк во кој учествуваат милиони работници. Тие се против плановите за зголемување на старосната граница за пензионирање и намалување на пензиите.
Вработените во образованието и јавниот превоз излегоа на улиците заедно со полицајците, правниците, медицинскиот персонал и вработените на аеродромите.
Штрајкот ќе трае додека францускиот претседател Емануел Макрон не се откаже од своите намери за промена на пензискиот систем. 69 проценти од јавноста дава поддршката на штрајкот, а посебно поддршката доаѓа од младите луѓе на возраст од 18-34 години.
Министерството за внатрешни работи информираше дека очекува најмалку 250 различни маршеви и протести и предупреди на можно насилство поради најавената поддршка од „Жолтите елеци.“
Полицијата употреби солзавец, а во Лион и Марсеј граѓаните носеа транспаренти на кои пишуваше „Макрон изгуби“ и „Не ги дирајте нашите пензии“.
Датумот 5 декември, бил избран пред повеќе од два месеци за да се означи почетната точка на „големото објаснување” против пензиската реформа на Макрон.