(ВИДЕО) Гневни демонстранти запалија полицаец во Мексико
Објавено во: Свет 05 Јуни, 2020
Демонстранти во Мексико запалија полицаец на протести за смртта на жртва на полициско насилство.
Тие запалија полицаец за време на протест за смртта на „мексиканскиот Џорџ Флојд“, притвореник што починал веднаш по неговото апсење.
Видеото, кое се појави на социјалните мрежи, покажува група полицајци со мотоцикли што се обидуваат да ги растераат демонстрантите.
Потоа, демонстрант со маска и очила за сонце истура бензин по грбот на еден од полицајците и го запалува.
Полицаецот паѓа од моторот, а неговите колеги и минувачите се обидуваат да му помогнат и да го изгаснат огнот. Протестите во Мексико почнаа по смртта на Џовани Лопез (30), кој беше уапсен недалеку од Гвадалахара.
Неколку часа по апсењето, тој е однесен од затвор во болница, каде што почина.
Се појави информација дека Лопез е уапсен затоа што не носел маска на јавно место, со што не ги почитувал мерките пропишани во борбата против коронавирусот. Но, властите ги негираа ваквите тврдења и околностите се истражуваат.
фото ЕПА