(ВИДЕО) Човек се самозапали во Кочани
Објавено во: Македонија 22 Јануари, 2020
Маж на 40-годишна возраст се самозапали во Трговскиот центар во Кочани. Лицето се полеало со бензин и потоа се запалил со запалка. Сведоци на настанот тврдат дека претходно пиел кафе.
Минувачите употревувале противпожарни апарати од соседните дуќани за да го изгаснат.
Лицето е однесено во Општата болница во Кочани, а интервенирале служните на Брза помош и Пожарната единица.
- Увидот е во тек. Лицето е пренесено на лекување во болница во Скопје, потврдија од СВР Штип.
Од Болницата тврдат дека повредениот се здобил со тешки изгореници и поради сериозноста на здравствената состојба итно е префрлен на клиниките во Скопје.