(ВИДЕО) БУРАТА ДЕНИС ОДНЕСЕ ЖРТВИ: Делови од Британија се под вода
Објавено во: Свет 16 Февруари, 2020
Издадени се повеќе од 300 предупредувања за поплави по бурата Денис во Британија.
Брзината на ветерот во селото Абердарон достигна до 146 километри на час. Поради силниот ветер откажани се стотина летови, а поради поплавите во прекин е и железничкиот сообраќај.
Посебно е критична ситуацијата во јужниот дел на Велс, каде обилните дождови предизвикаа лизгање на земјиштето, а надојдената вода поплави дел од куќите.
Во Англија во сила се четири предупредувања од највисок степен и два во Велс, што значи дека постои опасност по животот на граѓаните.
И во Шкотска е издадено предупредување до граѓаните да се заштитат од „поплавите што се опасни по живот”.
Невремето предизвика и излевање на реката Таф во велшкиот град Понтипол, а опасност од излевање има и од реката Нит, во јужниот дел на Велс.
Бурата Денис вчера однесе две жртви. Едно 18-годишно момче се удавило во морето во покраината Кент, а друг паднал од бродот од резервоар за гориво во близина на пристаништето Маргејт.