31 Мај, 2020
0.0279

ВЕТЕРИНАРИТЕ СМИРУВААТ: Домашните миленици не го пренесуваат коронавирусот на луѓето

Објавено во: Македонија, Корона Вирус 30 Март, 2020

Мачките и кучињата, најчестите милиници на луѓето не може да го пренесат новиот коронавирус, односно Ковид-19 на луѓето, но може да бидат позитивни на тестот, бидејќи може да се заразат од својот сопственик, велат ветеринарите. Во време кога од ден на ден се повеќе се зголемува загриженоста кај оние што имаат миленик во својот дом, но и откако во Белгија се појави првиот случај на мачка која е позитивна токму на Ковид-19, ветеринарите во земјава даваат детални информации зошто луѓето не би требало да живеат во страв доколку имаат миленик.

- Семејството на коронавирусите се едни од најподложните на мутации, така што други типови на коронавирусот генерално ги има и кај кучињата, и кај говедата, свињите и така натаму. Кај кучињата заразени со коронавирус, проблемите се јавуваат во гастроинтестиналниот тракт, односно имаат стомачни проблеми, додека кај свињите, пак, чии органи се најблиску до органите на човекот, коронавирусот ги напаѓа белите дробови. Сепак, инфицираните животни со други типови на коронавирус многу успешно се лекуваат, со симптоматска терапија, инфузиона терапија, терапија за зајакнување на имунитетот, вели ветеринарот Димче Велковски, сопственика на Ветеринарен центар.

Но, што се однесува до новиот коронавирус, Ковид-19, Велковски вели дека тој е се уште предмет на истражување и многу нешта поврзани со него се непознатица за науката.

-Иако многу нешта се уште се анализираат, тоа што треба јавноста да го знае е дека Ковид-19, животните не може да го пренесат на луѓето, но сепак на тестот за коронавирус, односно Ковид-19, домашните миленици може да бита позитивни. Истото го наведува и Светската здравствена организација, како и Светската асоцијација на ветеринари, кои дополнително појаснуваат дека веќе познатите коронавируси кај мачките и кучињата едно задничко нешто што го имаат со Ковид-19 е дека припаѓаат на истото семејство вируси, вели Веловски.

Последниот случај во Белгија со заразената мачка, како што истакнува ветеринарот Велковски, е изолиран случај и тоа допрва ќе се испитува, но најважно е: како што луѓето сами се грижат за својата хигиена, истото да го прават и со своите миленици.

-Сопствениците на домашни миленици би требало да преземат дополнителни мерки за хигиена, која подразбира миење на рацете пред да ги нахранат и забрането е бакнувањето со нив. Оние кои се заболени од вирусот, исто како и со останатите членови на семејството, би требало да избегнуваат контакт и со својот миленик. Ако откријат промени во здравствената состојба на своето куче или мачка би требало веднаш да го известат својот ветеринар. И најважно од се, грижата не смее да прерасне во паника и да го напуштат својот миленик, советува ветеринарот Велковски.

Анита Буховски

Можеби ќе ве интересира

Шестмина позитивни од два фудбалски клуба од Тетово: Ренова и Шкендија без тренинзи

Шестмина позитивни од два фудбалски клуба од Тетово: Ренова и Шкендија без тренинзи

Дури 62 новозаболени, уште двајца починаа: Скопје жариште

Дури 62 новозаболени, уште двајца починаа: Скопје жариште

Потпретседателот за СДСМ, жена му и ќерката позитивни на Ковид-19

Потпретседателот за СДСМ, жена му и ќерката позитивни на Ковид-19

Спасовски: Ако се пресмета, изборите треба да се одржат на 5 јули

Спасовски: Ако се пресмета, изборите треба да се одржат на 5 јули

Шефот на кризниот штаб најавува раст на бројот новозаболени денеска

Шефот на кризниот штаб најавува раст на бројот новозаболени денеска

Канада ни донира 250.000 долари

Канада ни донира 250.000 долари

Почина Горан Пандев, најголемиот навивач на „Академија Пандев“

Почина Горан Пандев, најголемиот навивач на „Академија Пандев“

ПОЛА - ПОЛА: Ако сте купиле велосипед годинава аплицирајте за субвенција

ПОЛА - ПОЛА: Ако сте купиле велосипед годинава аплицирајте за субвенција

Полицијата фатила 673 лица без маски

Полицијата фатила 673 лица без маски