Веќе има осомничени за дел од пожарите
Објавено во: Македонија 04 Август, 2021
Полицијата осомничи неколку лица за дел од пожарите во земјава.
Околу 15.10 часот, денеска е лишено од слобода 32-годишно осомничено лице дека подметнал пожар над гостиварското село Пожаране. Лицето со иницијали Л.А. е од Република Албанија, а илегално престојувало во земјава. Осомничениот за подметнување на пожарот е задржан на понатамошна постапка, а го привеле полициските службеници од одделението во с.Галате. Полицијата има осомничено уште едно лице за пожарот во Старо Нагоричане за што полициските службеници веќе постапуваат во координација со Јавен обвинител. Полицијата работи и на расчистување на случај во кој се осомничени две лица, за предизвикување пожар пред село Блаце кон Катланово.