ВЕЧЕРВА ЖЕСТОКО ТЕЛЕВИЗИСКО СООЧУВАЊЕ - што ќе си кажат газдата и екс директорот на пропаднатата банка, сега најголеми непријатели
Објавено во: Финансии 26 Ноември, 2020
Вечерва ќе има телевизоско соочување меѓу сопственикот на пропаднатата банка Трифун Костовски, и претходниот директор на неговата Еуростандард, сега во стечај, Николче Петковски, за кого Костоски во целиот овој изминат период тврди и го посочува како главен виновник за пропаста на неговата банка.
Оваа информација ја сподели Здружението на оштетени штедачи.
„Здружението на Оштетени штедачи на Еуростандард Банка преку ова соопштение би сакале да ја известиме пошироката јавност дека во четврток 26.11.2020 со почеток во 18.15 часот на Телевизија ТВ24 за прв пат од кога излезе на виделина КРИМИНАЛОТ направен во Еуростандард Банка, јавно на медиум во живо ќе се соочат дел од учесниците во тој КРИМИНАЛ. Имено, во дебатната емисија 24 Отворено која ќе ја води Младен Чадиковски, најавени учесници со присуство ќе бидат поранешниот сопственик на банката Трифун Костовски, претставник на нашето Здружение, и линковски со вклучување во живо поранешниот и долгогодишен Претседател на Управниот одбор Николче Петковски, како и Директорот Управата на Финансиска Полиција Арафат Муареми. Уредно беше поканета и Гувернерката на Народната Банка Анита Бежовска но своето присуство не го потврди, од причини за нас добро познати. Здружението на Оштетени Штедачи на Еуростандард Банка ја поздравува оваа иницијатива и воедно апелира и до останатите медиуми да ја следат оваа иницијатива и да продолжат со својата помош во борбата за вистината и правдата! Борбата продолжува за вистината и правдата!“, се вели во соопштението од оштетените штедачи.
Трагата на парите ја следи и директорот на Управата за финансиска полиција, Арафат Муареми, кој исто така е најавен дека ќе учествува на соочувањето.
Како што е познато, НБМ и ја одзеде дозволата за работа на Еуростандард банка на 12 август годинава, по што врз банката беше оптворена стечајна постапка.
Од стечајот сигурно нема да може да се наплатат 55 милиони евра од кредити кои биле ненаплатливи, поради што нема да има доволно пари да се подмират штедачите кои во банката чуваа над 30 илјади евра.