УТРИНСКИ ФОКУС: Кој прави најмногу пари во македонскиот Лас Вегас
Објавено во: Економија 05 Декември, 2019
Вести во фокусот на Фактор ова утро ...
*
Кој ги врти големите пари во Гевгелија?Двете казина на македонско-грчката граница и „Контихидропласт“ прават поголем приход од другите гевгелиски и богдански фирми заедно. Таква е структурата на економијата во најјужниот регион. Реално според бројот на жители (кој не надминува 15.000 н.з.) Гевгелија има многу повеќе фирми што вртат милиони евра од поголеми македонски градови.
*
Што ги топи профитите: Значаен пад на приходите од данокот на добивкаДржавата успеала да собере во буџетот над девет милијарди денари како приход од данокот на добивка од почетокот на годината до крајот на септември. Во овие девет месеци значи сумата изнесува околу 148 милиони евра. Сепак, на годишно ниво даночните приходи по овој основ се намалиле за над 21 процент.
*
ЗА НЕГО ЗНАЕ И ЕВРОПА: Во Македонија постои село на штрковиMaла општина во источниот дел на државата во европски рамки е мапирана како место со голем број штркови.
Се работи за Чешиново – Облешево. Оваа година во општината има околу 100 активни гнезда, наведуваат од локалната самоуправа.
*КАКО СЕ ЖИВЕЕ СО 9.000 ДЕНАРИ МЕСЕЧНО - македонската минимална пензија, сепак, подобра од соседитеОд први јули идната година нема да има бугарски пензионер што ќе зема пензија пониска од 130 евра. Пратениците во бугарскиот Парламент одлучија дека минималната пензија во оваа соседна држава, според стаж и старост, од средината на 2020 година ќе изнесува 250 лева, што е рамно на 130 евра.
Како што јавија бугарските медиуми, за утврдување на оваа минимална пензија гласале 214 пратеници, од кои 137 биле „за“, 61 „против“, а 16 биле воздржани.
А каква е состојбата на македонските пензионери?
Кој си купува акции во Комерцијална банка?
За сума од 1,9 милиони евра некој си купи 20 000 акции од Комерцијална банка.
Ова станува јасно од направените две блок-трансакции вредни 120,2 милиони денари на Македонска берза.