УТРЕ ОДЛУКА ЗА ВОНРЕДНАТА СОСТОЈБА: Ова ќе даде појасна слика за датумот за избори
Објавено во: Македонија, Корона Вирус 11 Јуни, 2020
Претседателот на државата, Стево Пендаровски утре ќе информира дали ќе има ново продолжување на вонредната состојба.
Од утрешната одлука зависи и датумот за одржување на престојните предвремени парламентарни избори.
Министерот за здравство, Венко Филипче вели дека не е потребно продолжување на вонредната состојба.
Тој додаде дека не треба да има продолжување на вонредната состојба, и додаде дека поинтензивна контрола на носењето маски и спречување на групирањето, ќе даде резултати.
Шефот на државата на 18 март поради состојбата со коронавирусот првпат во државава прогласи вонредна состојба.
Во земјава при крајот на мај по четврти пат е продолжена вонредната состојба.
Првите две одлуки за вонредна состојба беа во времетраење од по 30 дена, а третата траеше 14 дена.