28 Јануари, 2020
0.0311

Уставен суд ги „спасува“ обвинетите и осомничените од СЈО

Објавено во: Македонија 29 Ноември, 2019

По се изгледа дека сите случаи на Специјалното јавно обвинителство се под сериозна закана, откако Уставниот суд поведе постапка за оценување на членот 11-а од Законот за дополнување на Законот за помилување од 2016 година. Токму членот 11-а овозможуваше претседателот на државата да повлече веќе донесена одлука за помилување. А сега Уставниот суд ќе утврдува дали членот е во согласност со Уставот. 

Сега постојат две можности, или да се укине членот 11-а, што би значело дека во иднина шефот на државата да не би можел да повлече веќе донесена одлука за амнестија. 

Но, многу понеповолна би била втората опција за случаите на СЈО, а таа е да се поништи овој член. Ова всушност би значело дека која ја направи поранешниот претседател Ѓорѓе Иванов ќе стапи во сила, што ќе им донесе ослободување на сите обвинети во случаите на СЈО. 

Инаку, Уставниот суд, последната своја одлука, за која гласале мнозинство од петмина уставни судии, ја оправда со образложението дека со Законот за дополнување на Законот за помилување се утврдува законски основ по кој даденото помилување може да се поништи, меѓутоа ваквото законско уредување излегува надвор од дадените надлежности на претседателот, во членот 84 од Уставот и истото основано може да се доведе под сомнение по однос на членот 8, став 1, алинеа 3 од Уставот, бидејќи се повредува принципот на владеење на правото и правната сигурност на граѓаните.

„Ваквото дополнување на Законот за помилување со кое се дава можност претседателот да го поништи веќе даденото помилување доведува до нееднаков третман до субјектите. Имено и претседателот согласно Уставот има право само да дава помилување, но не и да поништува, што значи дека Уставот не предвидува можност за повлекување на претходно даденото помилување“, ја објаснија својата одлука од Уставен.

Оттаму посочија дека во повеќе држави членки на Европската Унија од кои беше побарано мислење од добиениот материјал е  констатирано дека во нивните законодавстава не постои можност за повлекување на даденото помилување.

„Имено одлуката за помилување што ја донесува претседателот e sui generis  акт, кој ниту е административен акт што би се оспорувал пред Управните судови, ниту пак нормативен акт што би можел да се оспорува пред Уставниот суд, посочуваат од Судот“, рекоа од судот.

Оттука имајќи ја предвид направената анализа, како и меѓународната пракса, Судот смета дека со воведувањето на можноста за поништување на даденото помилување во оспорениот Закон основано со истото се доведува во прашање неговата согласност со принципот на владеење на правото и правната сигурност на граѓаните на Република Северна Македонија предвиден од член 8, став 1, алинеа 3 од Уставот.

Според правните експерти со ова дефинитивно се создава терен да се активираат дадените амнестии на над 50 осомничени, обвинети, сведоци во постапките на СЈО, кои Иванов ги амнестираше. Тука спаѓаат Никола Груевски, кој сега е пребеган во Будимпешта, ексминистерката за внатрешни работи Гордана Јанкулоска, Мартин Протоѓер, Миле Јанакиески, Горан Грујевски, Никола Бошкоски, Тони Јакимовски, Едмонд Темелко, ексградоначанилците Тони Трајковски и Владимир Талевски...

Дали Уставниот суд ќе падне толку ниско и да се впушти под нивото на било каква правна дисциплина и правно познавање, тоа нека им служи на чест, коментираа дел од експертите на ваквата одлука на Уставен суд. 

А одлуката на Иванов во 2015 да ги помилува околу 50 тина поранешни функционери, предизвика најжестоки граѓански протести, кои потоа прераснаа во Шарената револуција. 


Можеби ќе ве интересира

Петнаесетгодишно девојче донесено во Клинички центар со прострелна рана во главата

Петнаесетгодишно девојче донесено во Клинички центар со прострелна рана во главата

Сопственикот и администраторот на „Јавна соба“ повикани во полиција

Сопственикот и администраторот на „Јавна соба“ повикани во полиција

СО ТРАНСПАРЕНТ ГО ДОЧЕКАА ЈОВЕСКИ: Прашаа до кога ќе го крие писмото од Јанева

СО ТРАНСПАРЕНТ ГО ДОЧЕКАА ЈОВЕСКИ: Прашаа до кога ќе го крие писмото од Јанева

Чии автомобили гореа ноќеска во скопско Тафталиџе

Чии автомобили гореа ноќеска во скопско Тафталиџе

Смилевски послушен градоначалник, на работа отиде со градски јавен превоз

Смилевски послушен градоначалник, на работа отиде со градски јавен превоз

И Обвинителството се вклучи во случајот со Брзакова - има ли кривична одговорност

И Обвинителството се вклучи во случајот со Брзакова - има ли кривична одговорност

ЌЕ СЕ КРШАТ КОПЈАТА: Еве кога почнува дебатата за предлог законот за Јавно обвинителство

ЌЕ СЕ КРШАТ КОПЈАТА: Еве кога почнува дебатата за предлог законот за Јавно обвинителство

Митко Чавков: Започнувам штрајк со глад

Митко Чавков: Започнувам штрајк со глад

Актери од МНТ се вратиле од Кина, Филипче тврди немале симптоми на коронавирус

Актери од МНТ се вратиле од Кина, Филипче тврди немале симптоми на коронавирус