28 Март, 2024
0.0252

Урбаната приказна „Ефектот на среќа“ го отвори „Cinedays“

“Човекот успеа да се качи на месечината, но сè уште не научи како да биде среќен”

Објавено во: Мои пари 08 Ноември, 2019

Добивај вести на Viber

Играниот филм „Ефектот на среќа“ (The Happiness Effect) на режисерот Борјан Зафировски вчера ја имаше својатапрва проекција во преполната сала во кино „Милениум“на отворањето на филмскиот фестивал „Cinedays“. Остварувањето обработува приказна за една млада девојка која се обидува да ја декодира формулата на среќа и ја истражува моќта на позитивното размислување. Главните улоги ги толкуваат: Дејана Попоска, Сашко Коцев и Ана Стојановска.

- „Ефектот на среќа“ е естетски бунт против депресивната балканска кинематографија на која сме навикнати и која ја конзумираме секојдневно со децении. Овој пат решивме категорично да одбиеме да ја „продаваме“ бедата на земјава и да се фокусираме на позитивните естетски елементи. Македонија, за жал, според индексот на среќа се наоѓа на претпоследно место во Европа. Среќата полека ни станува нешто далечно. Токму затоа „Ефектот на среќа“ се обидува да ја обработи моќта на позитивното размислување и како тоа е поврзано со среќата. – вели режисерот Зафировски.

Сценариото е на режисерот Зафировски во соработка со драматург и писател Дејан Дуковски. Филмот е во продукција на „Ново Македонско Видео", а копродуценти се: „Њу момент“, V House Animation, Living Pictures, Montenegro Max Film и B2 – PR and Media Solutions. Филмот е поддржан од: Агенција за филм на Северна Македонија, Филмскиот центар на Србија, Филмскиот центар на Црна Гора и Кинематографскиот центар на Косово.   

- Чест ни е што имавме можност овој филм да го претставиме пред домашната публика, а веќе во план е и да „патува“ на европски и на други фестивали. Филмот е социјална, животна приказна за драма која ја доживува една млада девојка која се соочува со терминална болест и што може таа да направи во периодот што ѝ останал и како да ја најде среќата. Се работи за современ, модерен филм и горди сме дека успеавме да направиме една убава, урбана приказна која и покрај сè е позитивна. Некако на Балканот влеговме во едно клише на трауматски, депресивни, поствоени, постсоцијалистички филмови и мислам дека ние сме поразлични и отскокнуваме од тоа клише – изјави продуцентот Сашо Пешев.

Покрај главните актери Дејана Попоска, Сашко Коцев и Ана Стојановска останатите улоги во „Ефектот на среќа“ ги толкуваат: Сара Анастасовска, Јовица Михајловски, Петар Арсовски и Мими Таневска. 

Можеби ќе ве интересира

Континуирана едукација и почитување на етичките и професионалните меѓународни стандарди се клучни за статусот и развојот на сметководството

Континуирана едукација и почитување на етичките и професионалните меѓународни стандарди се клучни за статусот и развојот на сметководството

Склучен Меморандум за соработка со Кроација осигурување АД, Друштво за неживотно осигурување Скопје

Склучен Меморандум за соработка со Кроација осигурување АД, Друштво за неживотно осигурување Скопје

Општина Центар е лидер во промени, Иницијативата за конфискација на дивоградби се преточи во закон

Општина Центар е лидер во промени, Иницијативата за конфискација на дивоградби се преточи во закон

Прилепска Пиварница одбележува 100 години постоење

Прилепска Пиварница одбележува 100 години постоење

Откријте го врвното искуство на гледање со FUEGO Electronics и новата серија 720GTV на Google TV

Откријте го врвното искуство на гледање со FUEGO Electronics и новата серија 720GTV на Google TV

Сликовницата „Рокчето“ од Никола Маџиров ќе биде промовирана во Струмица на Светскиот ден на книгите за деца

Сликовницата „Рокчето“ од Никола Маџиров ќе биде промовирана во Струмица на Светскиот ден на книгите за деца

САМО СО DINERS CLUB КУПЕТЕ МЕБЕЛ И ПРОИЗВОДИ ЗА ДОМАЌИНСТВО СЕГА, А ОДЛОЖЕТЕ ГО ПЛАЌАЊЕТО ЗА ЈУНИ

САМО СО DINERS CLUB КУПЕТЕ МЕБЕЛ И ПРОИЗВОДИ ЗА ДОМАЌИНСТВО СЕГА, А ОДЛОЖЕТЕ ГО ПЛАЌАЊЕТО ЗА ЈУНИ

Македонски Телеком ја гаси старата 3G технологија

Македонски Телеком ја гаси старата 3G технологија

Комерцијална банка го одржа редовното Годишно собрание на акционери

Комерцијална банка го одржа редовното Годишно собрание на акционери