29 Март, 2024
0.0253

УНИЦЕФ донира респиратори за здравствените установи

И повикува на континуирани инвестиции за да се зајакне здравствениот систем, со што земјата ќе ја зголеми својата отпорност кон криза во јавното здравство

Објавено во: Мои пари 29 Мај, 2020

Добивај вести на Viber

УНИЦЕФ ги испорача првите седум од десет респиратори кои се донираат на здравствените установи во Северна Македонија. Првата серија респиратори ќе биде доставена до одделенијата за интензивна нега кои лекуваат пациенти со КОВИД-19 низ целата земја.

„Сакам да се заблагодарам на Канцеларијата на УНИЦЕФ за оваа навистина значајна донација за нашиот здравствен систем. Донираат седум респираторни машини, кои може да се користат за вентилација на возрасни и на деца. Нашата соработка со УНИЦЕФ е на многу полиња. Пред се, на полето на здравјето на децата. Со претставничката на УНИЦЕФ многу пати сме разговарале досега за унапредување на здравјето на децата, нивна заштита. Но, оваа ситуација со КОВИД-19 ги смени сите околности, ги смени приоритетите во сите здравствени системи во светот, па така и во нашата земја. Во таа смисла, оваа поддршка е многу значајна. Ова се машини кои се навистина модерни и врвот во технологијата. Ги даваат сите можности за вентилација. Искрено се надевам дека нема да се користат, но значајно го зајакнуваат нашиот здравствен систем. Ќе бидат распределени во одделенијата за интензивна нега, каде се лекуваат овие пациенти. Во таа смисла, претставуваат едно надградување во квалитет на здравствена услуга која ќе ја добијат пациентите на која им е потребно тоа“, изјави министерот Филипче.

Донацијата на респиратори е во вредност од над 215.000 американски долари и е од најновата генерација - Евита Инфинити V500, набавени од германскиот производител Дрегер. Тие служат како за инвазивна, така и за неинвазивна терапија, а може да се користат за лекување и на деца и на возрасни. Едноставно кажано, тие го преземаат процесот на дишење на организмот кога болеста ќе предизвика откажување на белите дробови, давајќи му време на пациентот да се избори со инфекцијата и да закрепне.

„Сега, повеќе од кога и да е, гледаме колку е важно здравствениот систем да биде цврст. Пред сѐ, за да се спасат животи, но и за да се спречи здравствената криза да прерасне во поширока социо-економска криза што во голема мера ќе ги засегне децата и семејствата. На глобално ниво, гледаме дека епидемијата одзема животи и егзистенција, додека здравствените системи се борат, а преземените мерки за спречување на ширењето на вирусот ги затворија училиштата и создадоа предизвици за семејствата“, рече Патриција ди Џовани, претставничка на УНИЦЕФ. „Додека ги јакнеме другите системи да бидат поотпорни на кризата, мора континуирано да вложуваме и во зајакнување на здравствениот систем за да спречиме здравствената криза да стане криза на детските права. Само преку соработка можеме да обезбедиме секое дете да биде здраво, безбедно и да учи, без оглед на предизвиците со кои се соочуваат земјите.“

Како дел од одговорот на пандемијата со КОВИД-19, УНИЦЕФ ја поддржува Владата во напорите да ги намали ефектите од кризата врз децата и семејствата. Покрај поддршката за јакнење на здравствениот систем како дел од редовната соработка со Министерството за здравство, УНИЦЕФ обезбедува и дополнителни резерви на опрема за лична заштита и комплети за тестирање од н-КоВ-2; поддршка за воспоставување теле-здравствени советувалишта на патронажните сестри и телефонска линија за помош на бремените жени и мајките со новороденчиња; дистрибуција на хигиенски пакети за најранливите заедници; поддршка за изработка на материјали за комуникација во време на криза и активности за вклучување на заедницата; психо-социјална поддршка за децата и семејствата; работа на подобрување на имунизацијата, како и во други области.

УНИЦЕФ има над седумдесет години искуство во реагирање на кризни состојби и обезбедување помош кога е најпотребна, со глобална мрежа од над 1.000 медицински добавувачи, најголем хуманитарен магацин во светот, цврсти глобални и локални партнерства и поддржувачи. 

Можеби ќе ве интересира

Склучен Меморандум за соработка со Кроација осигурување АД, Друштво за неживотно осигурување Скопје

Склучен Меморандум за соработка со Кроација осигурување АД, Друштво за неживотно осигурување Скопје

Дарко Лукиќ од 1 јули е новиот извршен директор на Групацијата Нелт

Дарко Лукиќ од 1 јули е новиот извршен директор на Групацијата Нелт

Континуирана едукација и почитување на етичките и професионалните меѓународни стандарди се клучни за статусот и развојот на сметководството

Континуирана едукација и почитување на етичките и професионалните меѓународни стандарди се клучни за статусот и развојот на сметководството

Општина Центар е лидер во промени, Иницијативата за конфискација на дивоградби се преточи во закон

Општина Центар е лидер во промени, Иницијативата за конфискација на дивоградби се преточи во закон

Прилепска Пиварница одбележува 100 години постоење

Прилепска Пиварница одбележува 100 години постоење

Откријте го врвното искуство на гледање со FUEGO Electronics и новата серија 720GTV на Google TV

Откријте го врвното искуство на гледање со FUEGO Electronics и новата серија 720GTV на Google TV

Сликовницата „Рокчето“ од Никола Маџиров ќе биде промовирана во Струмица на Светскиот ден на книгите за деца

Сликовницата „Рокчето“ од Никола Маџиров ќе биде промовирана во Струмица на Светскиот ден на книгите за деца

САМО СО DINERS CLUB КУПЕТЕ МЕБЕЛ И ПРОИЗВОДИ ЗА ДОМАЌИНСТВО СЕГА, А ОДЛОЖЕТЕ ГО ПЛАЌАЊЕТО ЗА ЈУНИ

САМО СО DINERS CLUB КУПЕТЕ МЕБЕЛ И ПРОИЗВОДИ ЗА ДОМАЌИНСТВО СЕГА, А ОДЛОЖЕТЕ ГО ПЛАЌАЊЕТО ЗА ЈУНИ

Македонски Телеком ја гаси старата 3G технологија

Македонски Телеком ја гаси старата 3G технологија