„УКРАИНСКИТЕ СИЛИ ГО ИЗВРШИЈА НАПАДОТ НА КРИМ“: Потврди висок украински воен функционер за Newyork Times
Објавено во: Свет 10 Август, 2022
Јавно, украинските
власти не ја потврдија вмешаноста на украинската војска, бидејќи руските и
окупационите претставници се обидуваа да го утврдат изворот на експлозиите,
зголемувајќи го нивото на терористичка закана во областа. Но, висок украински
воен функционер кој знаел за ситуацијата рече дека украинските сили се
одговорни, кои извршиле напад врз воздухопловната база Саки на западниот брег
на Крим,
пишува денеска The New York Times.
Зборувајќи под услов на анонимност за чувствителни воени прашања, функционерот, како што наведува овој медиум,вели дека воздушната база била онаа од која редовно полетувале авиони за напади врз украинските сили. Тој сепак не открива каков тип на оружје ги предизвикал експлозиите, велејќи само дека „се користело оружје исклучиво од украинско производство“.
Високиот украински функционер рече дека во нападот биле вклучени силите на партизанскиот отпор лојални на владата во Киев, но тој нема открива дали тие сили го извршиле нападот или им помогнале на редовните украински воени единици да ја гаѓаат базата, како што понекогаш се случувало на други окупирани украински територии.
Украинскиот напад врз руските сили на полуостровот Крим би претставувал значително проширување на офанзивните напори на Украина, кои главно беа ограничени на оттурнување на руските трупи од териториите окупирани по 24 февруари, кога започна инвазијата. Меѓутоа, Украина со недели ги преместува војниците и удира подлабоко зад линијата на фронтот отколку порано, бидејќи сигнализира дека подготвува голема контраофанзива во регионот Херсон и користи оружје со поголем дострел што го добива од Западот.
ФОТО: EPA