УЈП соопшти кога ќе биде следната исплата од поврат на ДДВ
Објавено во: Економија 31 Декември, 2019
Во февруари оние кои скенираат фискални сметки ќе ја добијат исплатата која се однесува на второто тримесечје од мерката МојДДВ.
Ова го соопштија од Управата за јавни приходи додавајќи дека заклучно вчерашниот ден скенирани се 28,948,878 фискални сметки.
Прометот кој е остварен изнесува 14.301.474.854 денари а повратот од 15 отсто е во износ од 233.176.601 денари или 3.791.000 евра.
Доколку уште не ви е исплатен повратот од првото тримесечје, од УЈП потенцираат да ги проверите трансакциските сметки дали валидно се внесени во апликацијата.
Ако веќе пак сте ја направиле потребната корекција тогаш исплата на парите очекувајте во понатамошниот период.