УЈП „растури“ кај данокот на добивка
Објавено во: Финансии 16 Октомври, 2018
Управата за јавни приходи рапидно по три квартали рапидно го зголеми фискалното зафаќање од претрпријатијата кај данокот на добивка за девет изминати месеци од 2018-та.
Од почетокот на јануари до крајот на септември инкасирани се 11,53 милијарди денари од стопанството по основ данок на добивка, што е подобрување од дури 25,67 отсто во однос на истиот период лани, објави УЈП во новата статистика.
Зголемување има и кај персоналниот данок на доход од 7,16 отсто, односно собрани 11,55 милијарди денари.
Негатива има само кај Данокот на додадена вредност (ДДВ) со собрани 35,22 милијарди и минус од 0,94 отсто во однос на првите три квартали во 2017-та.
Севкупно од сите три даноци, зафатени се 58,3 милијарди и вкупно пет отсто повеќе во однос на минатата година.