Ученичка раскажа како професорот го совладал напаѓачот во српското училиште
Објавено во: Балкан 22 Ноември, 2019
Ученичка од средното училиште во Србија каде упадна и пукаше вооружен маж, раскажа детали за инцидентот.
Вели дека човекот влегол закопчан, под јакната имал панцир, носел автоматска пушка, но и бомби.
„Тој влезе во училницата на трето три каде рече дека ќе биде во ред ако му го дадат бројот на државната безбедност“, раскажа 17-годишната ученичка Т.Ж.
Таа за Спутњник раскажала дека во моментот на упадот во училиштето имало деца, кои веднаш го побарале класниот раководител.
„Професорот им рече на децата да излезат од училницата и го искористи моментот на невнимание на напаѓачот кој покрај пушката имаше и експлозив. Во еден момент професорот го зграби оружјето во неговите раце и го потпре на таблата. Тогаш човекот запука и во тој момент го повреди професорот“, рекла ученичката.
На професорот му е повредена раката, но не е во животна опасност.
Полицијата набрзо дошла во училиштето, по што учениците се евакуирани.
Горан Т. од селото Ливадица денеска влегол во училиштето и испукал два куршуми од автоматска пушка, а потоа е уапсен.
фото Курир.рс